الوطن اليوم ـ حصري|وزير التموين يجتمع مع نعيم يزبك رئيس الشرق الأوسط وافريقيا لشركة مايكروسوفت العالمية لبحث سبل التعاون المشترك

 

بقلم/نشأت البسيوني 

في لحظة مش مخطط لها تلاقي نفسك بتبعد خطوة خطوة عن كل الضوضاء اللي حوالينك عن الكلام الكتير اللي ما لهوش معنى عن العلاقات اللي صارت تستهلك أكتر ما بتضيف وعن المساحات اللي كانت بتسحب طاقتك من غير ما تحس وتكتشف إن البعد مش ضعف ولا هروب لكنه محاولة صادقة إنك تسمع صوتك اللي كنت طافيه وسط زحمة الحياة وتبدأ تلاحظ إن هدوءك الجديد مش 

جاي من الوحدة لكنه جاي من وعي اتبنى جواك من فهم إنك مش مضطر تكون متاح طول الوقت ولا مضطر ترد على كل شيء ولا تشرح نفسك لحد ولا تثبت قيمتك للي ما يستحقوش لحظة من وقتك وتلاقي إنك بقيت تميل للسكوت أكتر من الجدال وتفضل تمشي من غير ما تتكلم وتختار تبص لنفسك بدل ما تبص لردود أفعال الناس وتشوف الدنيا من زاوية أوسع من فكرة مين قال إيه 

ومين عمل إيه ومين اختفى وتفهم إن بعض المسافات ضرورية علشان قلبك يتنفس وعقلك يرتاح وروحك ترجع تلم نفسها وإن مش كل الناس ينفع تفضل قريبة ومش كل الأماكن ينفع تكمل فيها ومش كل الحكايات لازم تستمر مهما كان التعلق ومع الانفصال عن الضجيج تلاقي نفسك تستعيد حاجات كنت فاقدها تركيزك مشاعرك البسيطة نظرتك لنفسك إحساسك بالوقت وحتى قدرتك على الفرح 

الصغير اللي كان بيضيع منك وسط صوت الصراعات اليومية وتكتشف إن الهدوء اللي بتعيشه مش فراغ زي ما البعض يظن لكنه امتلاء امتلاء بفهمك بنفسك امتلاء بمعاركك اللي كسبتها بصمت وبداية من نوع مختلف بداية مبنية على اختيار مش على تشتت وعلى وعي مش على رد فعل تعرف إن أجمل خطوة هي اللحظة اللي تبعد فيها عن كل شيء علشان تقدر ترجع لنفسك وإن أصدق 

نسخة فيك هي النسخة اللي ما تسمع غير لصوتها مهما علا ضجيج العالم من حواليك