سَلاَمٌ بِلا عَوْدَة.... شعر
بقلم:ـ مختار أبوالخير
قَرَأْتُ الصَّمْتَ عَلَى جَبِينِ الْوَفَاءْ،
وَرَأَيْتُ دُمُوعِي تَحْتَ نِيرَانِ الْعَطَاءْ.
كُنْتُ أَهْبِطُ كُلَّ يَوْمٍ بِقَلْبِي إِلَى الْقاعْ،
أُعْطِي.. أُعْطِي.. حَتَّى نَسِيتُ كَيْفَ الْبُقَاءْ.
تَعَوَّدُوا أَنْ أَكُونَ النَّارَ الَّتِي لَا تُنْطَفِيءْ،
وَالْغَيْمَةَ الَّتِي تَمْطُرُ.. وَلَا تَطْلُبُ الظِّلَّ وَالْمَاءْ!
حَتَّى إِذَا جَاعَ قَلْبِي وَاسْتَجَدْتُ كَسْرَةَ إِنْسَانْ،
رَأَيْتُ فِي أَعْيُنِهِمْ صَحْرَاءَ.. لَا تَعْرِفُ الْإِيْمَانْ!
يَا مَنْ نَسِيتُمْ أَنَّ فَوْقَكُمْ رَبًّا يَرَى،
أَتَخْدِشُونَ الضَّمِيرَ وَاللَّيْلُ يَسْأَلُ مَنْ خَانْ؟
أَتَكْذِبُونَ حَتَّى تُصَدِّقُوا أَنَّ الْكَذِبَ حَقِيقَةٌ؟
وَتَبِيتُ أَنْتُمْ.. فِي قَفَصِ الذُّنُوبِ.. تَلُوكُونَ الْجِرَاحَ وَالْأَوْجَاعْ!
لَمْ أَعُدْ أَبْكِي.. لَمْ أَعُدْ أَسْأَلُ.. لَمْ أَعُدْ أَنْتَظِرُ عِتَابْ،
فَالنَّفْسُ إِذَا تَعِبَتْ.. تَتَغَيَّرُ خَرَائِطُهَا مِثْلَ السَّحَابْ.
سَأَمْضِي.. وَسَيَبْقَى صَمْتِي يَحْمِلُ أَسْمَاءَكُمْ إِلَى النِّهَايَةْ،
وَسَتَعُودُونَ.. وَلَكِنِّي سَأَكُونُ قَدْ صِرْتُ **غَيْرَ قَادِرَ** عَلَى الرِّضَا والرجوع!
سَلاَمٌ.. لَا يُرَاقُ فِيهِ دَمٌ.. لَا يُكْسَرُ فِيهِ وَتَرْ،
سَلاَمٌ يُشْبِهُ الْوَرْدَ إِذَا ذَبُلَ.. انْتَثَرْ.. ثُمَّ انْتَثَرْ!
---
شرح القصيدة بالعامية
أنا خدت قرار
أنا قررت أتغير مش علشان حد...بس علشان نفسي أنا كنت دايما ناسي نفسي وباضحي دايما علشان غيري أدي وأدي وارجع أدي تاني ومش بأفكر أخد.
لحد ما اتعودوا اللي حوالي إني أدي فقط ومش من حقي أخد مش من حقي حاجة تعبت من الإهمال وعدم التقدير والدوس على مشاعري تعبت من إن أكون ٱخر الاهتمامات تعبت من التجاهل تعبت من عدم الإحساس وقلة المشاعر تعبت من عدم إتقاء الله في شرع الله تعبت من الكدب والحوارات تعبت من عدم الاعتراف بالأخطاء تعبت من لما تكدبوا الكدبة وتصدقوها وتكرروها وكأنها حقيقة تحاول تقنعوا نفسكم والناس بيها وكمان تجيبوا اللي فيكم دايما في.
ونسيتوا ربنا نسيتوا إنه خالقكم وشايفكم ومطلع عليكم وعارف بكل نواياكم ونسيتوا إن فيه حساب يوم الحساب ...اتقوا الله يرحمكم الرحمن...
وأنا بشر اتربيت على التدين والمبادئ والأصول لعمري خنت ولا عمري هاخون ولما أهو حبيت ابعد واجرب غيركم جريت قوام على الملأ أعلن وأقول أنا عمري محدود ومليش عمرين اللي مش عايزنا احنا كمان مش معيوبين ونشوف غيره ...اللي مش مقدرنا ومقدر حبنا ومشاعرنا وإتقاء الله فينا يشوف غيرنا ونشوف غيره
خلاص مبقاش عندي كلام ولا عتاب ولا حتى طاقة ليهم
فقررت ابعد وأدور على راحتي سواء ببعاد سواء بفراق سواء بتغيير أو حتى أجرب ناس تانيين ومش هندم ومش بندم علشان خلاص أنا خدت قرار
نسيت أقول لكم أنا باصبر أوي وباتحمل أوي وباجلد نفسي وبحاسبها أوي أوي بتعبها وأقسو عليها أوي أوي علشان غيري وممكن أكون مش غلطان
لكن بحاسبها وأتعبها
لكن لما أكون هاخد قرار بدرسه أوي من كل جوانبه وبعدين باخد القرار بتأني شديد ولما باخده لا بارجع فيه ولا باندم عليه...
فقررت ابعد قررت ارحل قررت أجرب ناس تانيين
وأديكم فرصة تجربوا غيري ولما ترجعوا لي تاني أقول خلاص
ما فيش لكم مكان عندي بكل هدوء سلام
تعليقات
إرسال تعليق