مال المعك مابيكفيك
بقلم علي بدر سليمان
مال وجاه وسلطة البيك
بدو يصيف بالمكسيك
بعدو بيتباهى بالمال
وغيرو بيصرخ متل الديك
لو شافك تايه حيران
مانو سائل عنك فيك
ناس تجوع وتمرض تفقر
وناس بتلبس كل يوم شيك
رح تبقى بأيامك ضايع
ولا شي في الدنيا يهنيك
تعبان وفكرك بايع
كاره حالك كل شي بيك
بدك تسكن أو تتزوج
مال المعك مابيكفيك
هالدنيا بدها تكون بارع
بدها حذر وكتير تكتيك
واللي تحبو يبعد يرحل
وبنار غيابو يكويك
رح تبقى بآمالك سارح
ولاشي في الدنيا يواسيك
تعليقات
إرسال تعليق