رئيس جامعة القاهرة يهنئ فخامة الرئيس عبدالفتاح السيسي بمناسبة الذكرى الرابعة والأربعين لتحرير سيناء

  

بقلم/نشأت البسيوني 

في لحظة ما بيكتشف الانسان ان اكتر ضجيج بيعطله مش اللي حوالينه لكن اللي جواه الافكار اللي بتجري من غير نظام والذكريات اللي بتدخل في بعضها والخوف اللي بيغير اتجاه كل خطوة قبل ما تتاخد اللحظة دي بتيجي من غير ترتيب كأن العقل بيعلن اضراب عن الفوضى ساعتها بيعرف الانسان ان السكون مش رفاهية لكنه ضرورة وان الهدوء مش معناه ضعف ولا انسحاب لكنه خطوة 

واحدة بس ترجع ترتيب الفوضى اللي جواه خطوة تخليه يسمع صوته الاول قبل اصوات الناس اللي بتسحب منه طاقته كل يوم

في السكون ده بيتراجع عن حاجات كان فاكر انه محتاجها وبيكتشف حاجات كان سايبها عشان الدنيا مزاحمة زيادة وبيفهم ان اللي بينضج فعلاً هو اللي يعرف يوقف نفسه قبل ما يلمسه الانهيار ويتعامل مع قلبه زي ما يتعامل مع طفل محتاج رعاية مش تجاهل

السكوت الداخلي مش هروب زي ما ناس كتير بتحسبه لكنه نهاية مرحلة من الصراع وبداية مرحلة من الفهم مرحلة يقدر فيها الانسان يشوف عيوبه من غير خوف ويشوف جروحه من غير ما يداريها ويشوف قوته من غير ما يبالغ فيها ولما الزحام من جوه يسكت حتى لو لدقايق قليلة بتحصل حاجة غريبة الطريق قدامك ما يتغيرش لكن عينك هي اللي تتغير وحمل كتير كنت شايله يخف 

فجأة لانك لأول مرة قررت تواجه روحك بدل ما تجري منها ولانك فهمت ان السكون مش نقطة توقف لكنه بداية مشوار جديد بوعي اوضح وقلب اقدر على الاحتمال