رئيس جامعة بورسعيد يقود وفدًا رسميًا لزيارة شركة قناة السويس للحاويات لتفعيل بروتوكول التعاون وتوسيع فرص التدريب والتوظيف للطلاب والخريجين

 

بقلم/نشأت البسيوني 

في ناس تلف الدنيا كلها وتضحك وتتكلم وتبان عاديه قدام الكل لكنها من جوه عايشه في سكون ما يشبه السكون وتحرك ما يشبه الحركه عقلها ما يعرفش يرتاح ولا يعرف يطفي ولا يعرف يوقف التفكير حتى لو الجسم وقع من التعب وحتى لو الروح وقفت تطلب هدنه العقول دي مش مزعجه زي ما يفتكروها البعض هي بس عقول واعيه اكتر من اللازم تشوف اللي غيرها ما يشوفهوش تحس 

بالتفاصيل الصغيره اللي اغلب الناس تعدي عليها من غير ما تتوقف تفكر في سبب وجودها او معناها عقل من النوع ده يحلل كل نظره وكل كلمه وكل غياب ويفهم ما بين السطور ويدرك الاشارات اللي غيره يتجاهلها وعشان كده دايما صاحي صاحي فوق الحد صاحي لدرجه توجع اوقات العقول اللي ما تنامش مهما نام اصحابها تعيش صراعات محدش يعرف عنها حاجه صراع بين الرغبه في الهدوء 

وبين التفكير اللي ما يعرفش يتوقف صراع بين حب الامان وبين الخوف من التعود صراع بين الشوق لحد معين وبين الوعي بان القرب بيكلف اكتر مما يتحمله القلب الناس دي تعبت من الوجوه اللي تقول كلام غير اللي تحسه ومن المواقف اللي ما تشبهش نوايا اصحابها ومن العلاقات اللي تبدأ قوي وتنتهي فجأه ومن الوعود اللي تتقطع من غير سبب ومع ان عقلهم ما يعرفش يهدأ لكن 

قلوبهم غالبا اطيب مما تتصور تحب بعمق وتسامح بكرم وتضحي بصمت وتخاف تزعل حد حتى لو هي اكتر واحده موجوعه ومع كل ده مشكلتهم الاصليه انهم فاهمين بزياده وواعيين بزياده وعارفين بزياده لكن اللي الناس ما تعرفوش ان العقول دي مهما تعبت من التفكير ومهما اشتدت عليها الليالي تخرج اقوى واهدأ لانها في لحظه ما تكتشف ان مش كل شيء يستحق التأمل ومش 

كل حد يستحق القراءه ومش كل تفصيل يستحق المقارنه وفي اللحظه دي يتغير كل شيء العقل اللي ما كانش بيهدأ يبدأ يختار يفكر في اللي يستحق ويتجاهل اللي ما يستاهلش ويهتم اللي له قيمه ويرمي اللي مالهش وزن ساعتها بس يعرف يرتاح يعرف يحس بالسكينه اللي طول عمره بيدور عليها وهنا يعرف ان الحكمة مش في التفكير الكتير لكنها في معرفة امتى تفكر وامتى توقف وامتى تقول لنفسك كفايه