على خشبة مسرح أيامنا
بقلم جيهان فريد
على خشبة مسرح أيامنا
بنمثل ونعيش في الدور
فيانغرق في بحور مـ الضلمة
يا هننحت اسمنامن نور
على خشبة مسرح أيامنا
الدور متوزع بحساب فيه منا
من أول مشهد بيموت وفيه
واحد مكتوب له سيناريو
بيعيش ويموت مطحون
ونشوف حد الهم يلاعبه
بس يبان للناس مبسوط
كل الصحبة تخونوا وتمشي
مع أنه رسم في قلوبهم بسمة بريئةو ماشافش قلوبهم اللي في الوحل غريقة
وفي ناس في وسط فرحك
نفسها قلبك يبقى فـي ضيقة
على خشبة مسرح أيامنا
في مشاهد جوه الكواليس
ومحدش فاهم دا واقع ولا كوابيس
علي خشبة مسرح أيامنا
كل الأحداث نظهر فيها
من غير كلاكيت ولا مونتاج
لو تغلط مرة فـ خياراتك
مش هتلاقى غير أوباااش
على خشبة مسرح أيامنا
الصادق أنفاسه بتلهث
لو حب فـ يوم أنه يساند
أو شاور بأيديه ع الحق
الأضواء تبعد وتعاند
ويظهر في الصورة الكداب
وهوبيحلف وعمره ما هيبطل يحلف ويتصدق مع أنه بيوعد مية وعد ويخلف
بينيم بعيونه الجماهير
وهوبيرقص علي طبلة ورِق
على خشبة مسرح أيامنا
بنمثل ونعيش في الدور
فيا نغرق في بحور مـ الضلمة
يا هننحت اسمنا من نور
وأنا اسمي منحوت في النور
وف الضلمة ووسط الجمهور
تعليقات
إرسال تعليق