شو صاير فينا
بقلم علي بدر سليمان
دخلك شو صاير فينا
الدنيا كلها تعادينا
حتى نجوم السما البعاد
عم يرمو سهام علينا
كنا زغار وكنا ولاد
فرحنا كتير بماضينا
فرحة عيد تياب جداد
والبسمة كبرت فينا
كبرنا وانسرقت البلاد
قست الأيام علينا
ساد الظلم الغدر زاد
والأحلام والله نسينا
تعبنا من القهر وحداد
وكل يوم الموت يجينا
كتروا بهالزمن الأوغاد
سرقوا المركب والمينا
ياربي يزول السواد
وتعود الضحكة لينا
تعليقات
إرسال تعليق