رئيس جامعة القاهرة يشارك في احتفالات محافظة الجيزة بعيدها القومي، ويؤدي صلاة الجمعة من مسجد السيدة خديجة بنت خويلد بمدينة السادس من أكتوبر

 

بقلم/نشأت البسيوني 

في لحظة معينة بتكتشف إنك مش واقف لوحدك زي ما كنت فاكر وإن اللي وراك مش ماضي ولا ذكريات ولا خناقات قديمة لكن حاجة جواك ما بترحش حاجة دايما بتجري وراك مهما حاولت تهرب منها حاجة بتقرب وقت ما تبعد وبتسكت وقت ما تدور على رد وبتتكلم وقت ما تكون عايز الدنيا تهدى وكل ما تتعمق شوية في نفسك تفهم إنك مش محتاج توقف الحرب على اللي جواك بالعكس 

انت محتاج تصالحه لأنك عمرك ما هتنتصر على حاجة هي أصلا جزء منك جزء يمكن موجوع يمكن تايه يمكن محتاج انك تسمعه بدل ما تخنقه بكتر الانشغال وبتبدأ تعرف إن مش كل اللي بيحصل حواليك صدفة ولا كل الصدمات كانت ضريبة لازم تدفعها لكن بعضها كان اشارة صغيرة كانت بتقولك ارجع لنفسك خلي بالك من حدسك ما تسيبش الدنيا تشوشك ولا تخلي الزحمة تطفيك لأن اللي 

يخسرك نفسك عمره ما كان مكسب ومع الوقت تبص حواليك تلاقي الناس بتتغير علاقات بتبعد طرق بتقفل وأبواب جديدة بتتفتح من غير ما تستأذن تلاقيك بتتشد لاماكن غريبة عليك بس شبهك أكتر من اللي كنت فيه تلاقيك واقف في بداية جديدة من غير ما تكون خططت ولا جهزت بس رغم ده تحس انها البداية الصح اللي روحك كانت بتدور عليها وتفهم إنك مش مجبور تفضل في مكان بيقلل 

منك ولا في علاقة بتكسر طاقتك ولا في حياة شكلها مليان بس جواها فاضي لأن اللي بيملا حياتك مش اللي بتشوفه بعنيك لكن اللي بتحس بيه وانت لوحدك وانت ساكت وانت متلخبط وانت بتحاول تفهم انت رايح على فين وفي اخر اليوم تكتشف إن الحاجة اللي ما بترحش ما كانتش بتطاردك كانت بتدلك كانت بتقولك إنك مهما بعدت عن نفسك هترجع ومهما حاولت تهرب من 

اللي جواك هتلاقيه مستنيك ومهما اتغيرت الدنيا حواليك في حاجة جواك ثابتة مش بتتهز ولا بتتبخر