جامعة عين شمس تناقش " تحديات الأمن القومي فى ظل التغيرات الاقليمية الجارية " خلال فعاليات الموسم الثقافى

 

بقلم/نشأت البسيوني 

مع مرور الوقت تكتشف إن الحياة مش مجرد طرق واضحة قدامك لكنها مليانة أبواب خفية أبواب ما بتبانش غير لما تكون جاهز إنك تشوفها وجاهز إنك تخطو ناحيتها حتى لو ما كنتش فاهم هتوديك على فين وتبدأ تحس إن في فرص صغيرة عدت عليك من غير ما تاخد بالك وإن في مواقف بسيطة كانت ممكن تغير مسارك كله لو كنت لحظتها أجرأ أو أهدى أو أوضح مع نفسك ويمكن ده اللي 

يعلمك إن كل يوم بيحمل احتمالات أكتر مما تتوقع وتسأل نفسك كام مرة فوت باب كان ممكن يفتح لك باب تاني أكبر كام مرة خفت تخطو خطوة كانت هتنقلك نقلة حقيقية كام مرة وقفت عند نقطة معينة مع إن الحياة كانت بتدفعك تكمل لقدام ومع الوقت تفهم إن الأبواب اللي ما بتتشافش هي اختبار اختبار لنضجك لوعيك لقدرتك إنك تثق بإحساسك حتى لو ما عندكش دليل وإنك أحيانا محتاج 

تغامر وتختار الباب اللي روحك بتحس تجاهه بشيء مش مفهوم

وتلاقي نفسك تتغير تبدأ تشوف إشارات ما كنتش تشوفها تفهم رسائل الحياة اللي بتيجي من مواقف صغيرة تركّب جواك معنى كبير وتعرف إن كل باب اتقفل قدامك كان سبب إن باب غيره يتفتح في وقت أنسب تدرك إن الأبواب اللي ما بتبانش هي الحقيقية وإن أكتر اللحظات اللي غيرتك كانت من وراء باب ما 

حدش شافه غيرك وإن الحياة عمرها ما كانت طريق مستقيم لكن شبكة أبواب ما يفتحهاش إلا اللي بيمشي بقلب واعي مش بخطوات عمياء