مدينة عين شمس الطبية تتحول إلى نموذج متكامل للتعليم والبحث والرعاية الصحية

 

بقلم/نشأت البسيوني 

مع مرور الوقت تلاقي نفسك بتبعد عن الأشياء السطحية اللي كانت زمان تبهرك وتشدك وتلاقي إنك بقيت تميل للحاجات اللي ليها معنى اللي وراها روح اللي تقدر تلمس قلبك مش بس عينك

وتبدأ تفكر إن العمق مش كلام كبير ولا مشاعر صاخبة لكنه صدق بسيط هادي من غير مبالغة ومن غير استعراض ومشاعر ثابتة تعرف تحس بيها من غير ما تسمع صوتها وتراجع نفسك وتكتشف 

إنك اتغيرت مش لأنك اتقفلت لكن لأنك اتعلمت تعرف مين يستحق وقتك ومين يستحق يسمعك ومين يستحق إنك تفتح له باب جواك ما يفتحه غير القليل وتسأل نفسك ليه كنت بتتعلق بحاجات خفيفة تروح بسرعة ليه كنت بتضيع وقت على ناس ما كانتش شايفاك ليه كنت بتدي كلامك لأي حد من غير ما تفكر إنه ممكن ما يفهمكش

ومع كل سؤال تلاقي خطوة جديدة ناضجة خطوة بتقربك من 

ذاتك أكتر وتخليك تختار بعقلك وقلبك خطوة بتعلمك إن اللي بيدور على العمق مش بيقبل النص نص ولا العلاقات المؤقتة ولا الوجوه المتغيرة وتحس إنك بقيت تميل للهدوء للجلوس مع نفسك للحديث اللي ما فيهش ضجيج للناس اللي كلامهم قليل ومعناه كبير وللأماكن اللي ما فيهاش زحمة لكن فيها طمأنينة وتبدأ تشوف الحياة من زاوية مختلفة زاوية فيها تقدير أكبر للحقيقة أقل للضجة 

أكتر للمعنى أقل للشكل أكتر للصدق أقل للتمثيل تفهم إن العمق مش حاجة تولد بيها لكنه اختيار اختيار يومي إنك تعيش بوعي إنك تبعد عن السطحية وإنك تختار روحك قبل عينك وإنك ما تسمحش لأي شيء فارغ إنه يملأ مساحة مهمة في حياتك