بقلم/نشأت البسيوني
في كل يوم بتاخد قرارات من غير ما تاخد بالك قرارات صغيرة شكلها عادي لكن تأثيرها كبير تختار تسكت بدل ما تتكلم تختار تكمل بدل ما توقف تختار تقرّب أو تبعد من غير ما تعلن السبب وكأن حياتك بتتشكل من اختيارات صامتة محدش شايفها غيرك
وتبدأ تلاحظ إنك مش دايماً بتختار بحرية كاملة أحياناً بتختار علشان ما تزعلش حد وأحياناً علشان تتفادى مواجهة وأحياناً
علشان تحافظ على شكل معين قدام الناس ومع الوقت تكتشف إن الاختيارات دي بتراكم جوهك وتعمل نسخة منك يمكن ما تكونش أقرب حاجة ليك وتسأل نفسك أنا بختار لنفسي فعلاً ولا بختار علشان أرتاح لحظة وخلاص أنا بمشي ورا إحساسي ولا ورا الخوف من النتيجة ويمكن تكتشف إن أصعب اختيار مش إنك تقرر لكن إنك تتحمل مسؤولية القرار بعد ما تاخده ومع الوقت تفهم إن
الاختيارات الصامتة أخطر من الكبيرة لأنها بتمر من غير مراجعة وبتتثبت من غير وعي وإنك محتاج تقف مع نفسك وتسأل هل الطريق اللي ماشي فيه نتيجة اختياراتك ولا نتيجة هروبك من اختيارات تانية وتلاقي نفسك تبدأ تعيد التفكير تبقى أبطأ شوية في قراراتك وتبقى أصدق مع نفسك وتختار على أساس اللي يناسبك مش اللي يريح غيرك وتدرك إن كل مرة بتقول فيها لأ
لحاجة غلط بتقرب خطوة من حياتك الحقيقية تعرف إن حياتك مش بتتغير بقرار واحد كبير لكنها بتتغير بسلسلة اختيارات صغيرة محدش بيشوفها وإن اللي يقدر يراجع اختياراته الصامتة يقدر يغير مساره كله من غير ما يعمل ضجة
تعليقات
إرسال تعليق