جامعة عين شمس تهنئ الفائزين بجوائزها الخاصة في مجال الفيزياء لعام 2025م

 

بقلم/نشأت البسيوني 

في لحظات غريبة بتحس إن صمتك أصبح له صوت صمتك بيحكي حاجات ما قدرش كلامك يوصلها صمتك بيكون موجود وسط الضوضاء بيشوف كل التفاصيل اللي حوالينك اللي انت بتطنشها بيحس بكل شعور انت بتحاول تخفيه حتى عن نفسك والغريب إن الصمت ده ساعات بيبقى أثقل من أي كلام ممكن يتقال بيظهرلك حاجات كنت فاكر إنك ناسيها أو انساها الأيام وبتكتشف إن كل 

كلمة ما اتقالتش وكل شعور ما اعترفته بيه جواك فضل موجود جوه وبيتحرك من غير ما تاخد بالك ومع الوقت بتفهم إن الصمت مش ضعف ولا فراغ الصمت هو مساحة لفهم نفسك لفهم اللي حواليك لفهم حجم رغبتك في التغيير ولحظة مواجهة حقيقية لكل اللي كنت بتتجاهله ولحظة ترتيب أفكارك ووقوفك قدام الحقائق من غير أي وساطة وفي اللحظة اللي تقرر تسمع الصمت ده صح 

تكتشف إنك بتعرف نفسك أكتر وبتشوف الطريق أوضح وبتحس بالقوة اللي ما كنتش واخد بالك منها وبتقدر تبني خطواتك الجاية من مكان أصح وأهدى وأكثر اتزان تعرف إن أثر الصمت مش فراغ مش هزيمة مش فقدان لكن هو دليل إنك لسه موجود قادر تحس قادر تتعلم قادر تكمل قادر تواجه كل اللي جواك من غير ما تتهرب