بقلم/نشأت البسيوني
في حياة كل انسان اشارات صغيرة تمر قدامه كل يوم لكنه ما ياخدش باله منها اشارات بتغير طريقه من غير ما يحس وبتدله على قرارات ما كانش هيخدها لو ما شافهاش وبتكشف له نوايا ناس ما لاحظهاش وبتخليه يفهم نفسه بشكل ما توقعهوش الاشارات دي تظهر في كلمة بسيطة من شخص ما كانش متوقع منه نصيحة تظهر في موقف عابر يبين قيمة شخص ويكشف حقيقة
شخص تاني تظهر في احساس داخلي يقول له امشي او ابعد او اصبر او روح وهي اشارات محدش يشوفها غيره ومحدش يفهمها غيره وهي في الغالب اقوى من كل الكلام اللي الناس بتقوله
ومع الوقت الانسان يكتشف ان الاشارات دي مش صدفة وانها كانت بتيجي له في التوقيت اللي محتاجه فيه حتى لو هو ما كانش فاهم ساعتها معناها ولما يعدي الزمن ويفكر يلاقي ان كل
اشارة كانت بتنقذه من حاجة او بتقربه من حاجة او بتحذره من حاجة او بتعلمه درس ما كانش هيتعلمه بغير الطريق ده وكل ما ينضج يفهم ان ربنا بيبعت له فهم مش بالكلام لكن بالمواقف بالصمت بالاحساس اللي يجي فجأة بالعلامة اللي يشوفها مرة واحدة وما تتكررشي ويبدأ الانسان يتغير ما بقاش ياخد كل حاجة على انها عادية بقى يلاحظ التفاصيل اللي الناس تتجاهلها يشوف
التصرف الصغير اللي يكشف نية يشوف الكلمة اللي اتقالت بنبرة غريبة يشوف الفرصة اللي ظهرت فجأة ثم اختفت ويشوف الارتياح اللي يجيله مع حد والضيق اللي يحس به من حد تاني ويعرف ان الاشارات دي هي لغة الحياة اللي محدش بيسمعها غير اللي قلبه صاحي وعقله مفتوح ومع زيادة الوعي يفهم الانسان ان تجاهل الاشارات هو اللي بيضيع عليه فرص هو اللي يدخله في
علاقات غلط هو اللي يخليه يمشي في طريق مش طريقه هو اللي يكرر وجع كان ممكن يتجنبه لأن الاشارات ما بتكدبش وما بتخدعش وما بتتزينش هي صريحة حتى لو كانت صامتة قوية حتى لو كانت صغيرة واضحة حتى لو كانت ما اتقالتش بكلمة واحدة يوصل الانسان لقناعة ما تهتزش ان الحياة مش بتمشي بالعشوائية وان الطريق مليان دلائل مينفعش تتجاهلها وان
الاشخاص اللي يدخلون حياته يظهر قبولهم او رفضهم في اول اشارة وان القرارات اللي ياخدها يبان صوابها من اول احساس وان اللحظات اللي يعدي عليها تسيب له علامة ولو عرف يقرأ الاشارات هيعيش صح وهيكسب صح وهيفقد اللي لازم يفقده ويحتفظ باللي لازم يحتفظ به ويتعلم ان الحياة مش محتاجة تفسير كبير هي بس محتاجة عين تشوف وقلب يفهم واشارة واحدة بس ممكن تغير قصة كاملة
تعليقات
إرسال تعليق