حبيتك ياورد مندي
بقلم علي بدر سليمان
النرجس عم يتبختر حدي
وكأنو بيرقص على خدي
عطرو الطيب عم بيفوح
وأنا مغرم كان صرلي مدة
الحلو قدامي يجي ويروح
وأنا قلبي بدي ومابدي
حلمو يعمر قلبي فروح
ويدو تتشابك مع يدي
سامع صوتو عم بينوح
لحظات صعبة نشالله تعدي
مش عايز تكبر الجروح
هدي ياطير الحب هدي
عم تتعلق فيك الروح
وطيفك زايد أرقي وسهدي
الحب بيكبر عم بيلوح
رح سويلك قلبي مخدة
رح أصرخ والصوت صدوح
حبيتك ياورد مندي
تعليقات
إرسال تعليق